چینی صدر شی نیپال کے دورے پر کھٹمنڈو پہنچ گئے
بیجنگ چین کے صدرشی جن پنگ نیپال کے دورے پر کھٹمنڈو پہنچ گئے ،چینی وزارت خارجہ کی ترجمان ہواچن ینگ نے اس کا اعلان کیاہے ،انہوں نے کہا کہ چینی صدر کو اس دورے کی دعوت نیپال کی صدر بدھایا دیوی بنداری نے دی ہے ، چین کے کسی صدر کا 23 برسوں کے دوران نیپال کا پہلا دورہ ہے اس دورے کو چین نیپال تعلقات کے حوالے سے تاریخی قرار دیا جا رہا ہے ،دورے کے دوران دونوں ممالک کے درمیان کئی معاہدوں پر دستخط ہونگے ،نیپال میں چین کے تعاون سے بجلی، پانی کے کئی منصوبے مکمل کئے جا رہے ہیں اور چین نے نیپال کے سکولوں کی حالت بہتر بنانے کیلئے بھی امداد کی ہے ۔