حالات کے تناظر میں نواز شریف کو فوری واپس آنا چاہیے، حافظ حسین احمد

کوئٹہ(ویب ڈیسک)جمعیت علمائے اسلام (ف)کے مرکزی ترجمان حافظ حسین احمد نے کہاہے کہ حکومت کے خلاف فیصلہ کن تحریک اور اپوزیشن کی کل جماعتی کانفرنس (اے پی سی)سے پہلے نواز شریف کو واپس آنا ہو گا۔ایک بیان میں حافظ حسین احمد نے کہا ہے کہ حالات کے تناظر میں نواز شریف کو فوری واپس آنا چاہیے، ہمیں نواز شریف کی بیماری اور مسائل کا احساس ہے لیکن ووٹ کو عزت دوکے بیانیے اور حکومت مخالف تحریک کا فیصلہ ٹیلیفون یا خط کے ذریعے سے ممکن نہیں ہے۔

حافظ حسین احمد کا کہنا تھا کہ حکمران اور ان کے پشتی بان چاہتے ہیں کہ نواز شریف بیرون ملک رہیں اور خاموش رہیں۔ان کا کہنا ہے کہ وطن کی فضا میں نواز شریف کے داخل ہونے سے ہی اکثر معاملات واضح ہو سکتے ہیں اور ان افواہوں کا خاتمہ ہو سکتا ہے جن میں الزام ہیکہ حکومت کو 5 سال پوریکرنیکی یقین دہانی کرائی گئی ہے۔ مرکزی ترجمان جے یو آئی ف کے مطابق اپوزیشن جماعتوں نے میثاق جمہوریت کے بجائے میثاق مفاہمت کو اہمیت دی تو درست نہیں ہو گا، متحدہ اپوزیشن کے اتحاد کے لیے اے پی سی آخری موقع ہو سکتا ہے۔

اپنا تبصرہ بھیجیں