امید کرتے ہیں کہ میاں صاحب کی”مجھے کیوں نکالا”کی گردان اب ختم ہو جائے گی ڈاکٹر فردوس عاشق اعوان

اسلام آباد:  وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا ہے کہ امید کرتے ہیں کہ میاں صاحب کی”مجھے کیوں نکالا”کی گردان اب ختم ہو جائے گی، عدالت کے فیصلے میں 80 فیصد حکومتی موقف تسلیم کیا گیا،لاگو شرائط عدالت کی جانب سے معطل کی گئی ہے مسترد نہیں، امید ہے مٹھائیاں بانٹنے والے پانامہ کے فیصلے کی طرح صف ماتم نہیں بچھائیں گے۔ اتوار کو سماجی رابطے کی ویب سائٹ ٹویٹر پر اپنے ایک بیان میں ڈاکٹر فردوس عاشق اعوان نے کہا کہ میاں صاحب کی صحت کیلئے دعا گو ہیں، امید ہے لندن جانے کے بعد میاں صاحب کے ترجمان، فیملی اور ڈاکٹرز پاکستانی عوام کو انکی صحت کے بارے میں اسی طرح لمحہ بہ لمحہ آگاہ رکھیں گے جیسے ابھی رکھا جا رہا ہے،امید کرتے ہیں کہ میاں صاحب کی”مجھے کیوں نکالا”کی گردان اب ختم ہو جائے گی۔ عدالت کے فیصلے میں 80 فیصد حکومتی موقف تسلیم کیا گیا ہے۔لاگو شرائط عدالت کی جانب سے معطل کی گئی ہے مسترد نہیں۔ ثابت ہوتا ہے کہ حکومت کا فیصلہ اصولی اور قانون کے عین مطابق تھا۔ امید ہے مٹھائیاں بانٹنے والے پانامہ کے فیصلے کی طرح صف ماتم نہیں بچھائیں گے۔

اپنا تبصرہ بھیجیں