جعلی اکاونٹس کیسز، آصف زرداری کی ریفرنسزخارج کرکی بری کرنیکی درخواستیں مسترد

اسلام آباد(ویب ڈیسک)احتساب عدالت نے جعلی بینک اکاونٹس کیس کے 3 ریفرنسز میں آصف زرداری کی درخواستیں خارج کردیں۔عدالت کا سابق صدر پر تینوں کرپشن ریفرنسز میں فرد جرم عائد کرنے کا حکم دیدیا،احتساب عدالت نے آصف زرداری سمیت تمام ملزمان کو 28 ستمبر کو طلب کرلیا، تفصیلات کے مطابق اسلام آبادکی احتساب عدالت نے میگا منی لانڈرنگ،پارک لین اور ٹھٹھہ واٹر سپلائی ضمنی ریفرنسز خارج کرنے کی درخواستوں پر فیصلہ سنا دیا ہے۔آصف زرداری کی ریفرنسزخارج کرکیبری کرنیکی درخواستیں مسترد کردی گئیں، احتساب عدالت کے جج اعظم خان نے آصف زرداری کی درخواستوں پر فیصلہ سنایا،

عدالت کا اس موقع پر کہنا تھا کہ آصف زرداری کو جعلی اکانٹس ریفرنسز میں بری نہیں کیا جاسکتا، احتساب عدالت نے آصف زرداری سمیت تمام ملزمان کو 28 ستمبر کو طلب کرلیا ہے۔سابق صدر آصف علی زرداری نے 9 ستمبر کو احتساب عدالت سے میگا منی لانڈرنگ ریفرنس اور پارک لین ریفرنس خارج کرنے کی استدعا کی تھی، پارک لین ریفرنس جعلی اکانٹس کیسز میں سے ایک کرپشن کیس ہے جس میں آصف زرداری سمیت 25 شیئر ہولڈرز تھے الزام ہے کہ اس کمپنی نے 2008 میں جعلی فرنٹ کمپنی پارتھینون کے نام پر نیشنل بینک سے ڈیڑھ، ڈیڑھ ارب روپے کے دو بار قرض لئے جسے بعد میں واپس نہیں کیا گیا اور قومی خزانے کو 3 ارب روپے کا نقصان پہنچایا گیا. نیب کا موقف ہے کہ آصف علی زرداری قرض لے کر معاف کرانے کے اس مقدمے میں بطور صدر اثرانداز ہوئے، انہوں نے نیشنل بینک سے اپنی جعلی کمپنی کو قرض دلوایا، کیس میں نیشنل بینک کے سابق صدور سمیت مختلف گواہان اپنے بیانات ریکارڈ کرا چکے ہیں

اپنا تبصرہ بھیجیں