پاکستان ہمارا اہم علاقائی پارٹنر، مل کر کام کریں گے، نامزد امریکی سفیر ولیم ٹوڈ

واشنگٹن(ویب ڈیسک) امریکہ کے پاکستان کے لیے نامزد سفیر ولیم ٹوڈ نے کہا ہے کہ پاکستان ہمارا اہم علاقائی پارٹنر ہے مل کر کام کریں گے۔امریکہ کی جانب سے پاکستان کے لیے نامزد کردہ سفیر ولیم ٹوڈ نے سینیٹ کمیٹی میں بیان دیا کہ پاکستان نے افغانستان میں مصالحت کا ماحول پیدا کرنے میں اہم کردار ادا کیا اور پاکستان خود بھی دہشت گردوں کے ہاتھوں شدید متاثر ہوا ہے۔

پاکستان کو دہشتگردی کے خلاف پائیدار اور ناقابل واپسی اقدام کرنا چاہیے۔ پاکستان نے دہشتگردی کے خلاف اہم اقدامات کیے اور اسے جاری رکھنے کی ضرورت ہے۔ولیم ٹوڈ نے کہا کہ پاکستان ہمارا اہم علاقائی پارٹنر ہے اور ہم آئندہ بھی مشترکہ اہداف کے لیے مل کر کام کریں گے۔ پاکستان کو بڑی تباہی کے اسلحے کے خاتمے کے لیے بین الاقوامی قراردادوں کا لحاظ رکھنا ہو گا۔

انہوں نے کہا کہ امریکہ پاکستان اور بھارت دونوں ممالک سے مضبوط تعلقات چاہتا ہے اور امریکا چاہتا ہے کہ دونوں ممالک کشیدگی ختم کرنے کے لیے اقدامات کریں۔

اپنا تبصرہ بھیجیں