کرونا وائرس کا خطرہ، امارات نے شہریوں کو ایران اور تھائی لینڈ کے سفر سے روک دیا

ابوظہبی(این این آئی )کرونا وائرس کے بڑھتے خطرات کے پیش نظر متحدہ عرب امارات نے اپنے شہریوں کی ایران اور تھائی لینڈ کے سفر پرتا حکم ثانی پابندی عاید کردی ہے۔ یہ اقدام امارات کی طرف سے کرونا وائرس سے نمٹنے، دوسرے ممالک اس وباء کی روک تھام میں مدد کرنے اور شہریوں کی صحت وسلامتی کے تحفظ کی کوششوں کا حصہ ہے۔میڈیارپورٹس کے مطابق اماراتی وارت خارجہ و بین الاقوامی تعاون کی طرف سے جاری کردہ ایک بیان میں کہا گیا کہ کرونا وائرس کے بڑھتے خطرات اور عالمی برادری کی اس میں مدد کے لیے حکومت نے عارضی طورپر اپنے شہریوں کی ایران اور تھائی لینڈ کے سفر پرپابندی عاید کردی ہے۔ ایران اور تھائی لینڈ میں موجود اماراتی شہریوں سے کہا گیا ہے کہ کرونا کی وجہ سے کسی بھی مشکل کی صورت میں اماراتی سفارت خانے سے رابطہ کریں۔ اس کے علاوہ وزارت خارجہ نے کسی ہنگامی صورت میں ہنگامی کال سینٹر قائم کرتے ہوئے 80044444 پر رابطے کو کہا ہے۔

اپنا تبصرہ بھیجیں